११ असोज
आलिताल गाँउपालिकाको सदमुकाम रहेको गोदाम बजार नजिकै डोलागाँउ स्थित दुर्गा माध्यमिक विद्यालयमा स्नातक तहको पढाई संञ्चालन गर्ने गरी क्याम्पस स्थापनाका लागि आर्थिक सहयोग संकलन अभियान चलाइएको छ ।
क्याम्पस संचालन समितिको आयोजनामा गाँउपालिका अध्यक्ष शेर सिँह पार्कि र उपाध्यक्ष मैना कुमारी रावल सहितको टोली आर्थिक सहयोग संकलन अभियानमा जुटेका छन् ।
क्याम्पस संचालन समितिका अध्यक्ष कृष्ण दत्त जोशीका अनुसार क्याम्पस स्थापनाका लागी सबै सहयोगीहरु संग आर्थिक संकलन गरिने बताउनुभयो । जनसंख्याको हिसावले ठुलो मानिएको आलिताल गाँउपालिकाका विद्यार्थिहरु उच्च शिक्षाको लागी तराईका जिल्ला तथा छिमेकी परशुराम नगरपालिका जानु पर्ने बाध्यता हटाउनको लागी आलितालमा क्याम्पस खोल्ने अभियानमा जुटेका हुन ।
समितिका अध्यक्ष जोशीका अनुसार आलितालमा क्याम्पस संचालनका लागी निबेदन दर्ता भईसकेको छ । सुदुर पश्चिम बिश्वविध्यालयले अनुगमन गरि उपयुक्त ठानेमा क्याम्पस संचालनका लागि अनुमति दिने ततपश्चात क्याम्पस संचालन हुने छ ।
यसै बर्ष बाट क्याम्पस संचालनका लागि जुटौँ भन्दै पालिका अध्यक्ष र उपाध्यक्ष सहित १८ व्यक्तिहरुले करिब ७ लाख रकम आर्थिक सहयोगको घोषणा गरिसकेका छन् भने सहयोग उठ्ने क्रम जारी नै रहेको आलिताल गाँउपालिका अध्यक्ष शेर सिँह पार्किले बताउनुभयो ।
क्याम्पस स्थापनाको लागी विभिन्न व्यक्तिहरु वाट बचनदान बोलिएको छ भने कतिपयले नगद रकम सहयोग गरिरहेका छन र उक्त आर्थिक सहयोग संकलन कार्यक्रममा विभिन्न क्षेत्रका सामाजिक व्यक्तित्व, वडा प्रतिनिधिहरु लगायतको सहभागीता रहेको छ ।