१३ कार्तिक
हिजो देखी अमरगढी नगरपालिका–१ मालममा संञ्चालन भएको वडास्तरीय पुरुष भलिबल प्रतियोगिताको उपाधि लायंस युवा क्लब अमरगढी ११ सल्लाघारीले जितेको छ ।
आज आइतबार भएको फाइनल खेलमा आयोजक बसन्तपुर युवा क्लब मालमलाई ३–१ को सेटमा हराउँदै लायंस युवा क्लव सल्लाघारीले उपाधि चुमेको हो।उपाधिसँगै लायंस युवा क्लवलेले २० हजार रुयैयाँ नगद तथा मेडल पुरस्कार प्राप्त गरेको छ भने दोस्रो भएको बसन्तपुर युवा क्लबले १२ हजार नगद तथा मेडल पुरस्कार प्राप्त गरेको छ।
प्रतियोगितामा तेस्रो भएको वडा नम्बर ८ ले ७ हजार पुरस्कार पाएको छ । बसन्तपुर युवा क्लब अमरगढी १ मालमले आयोजना गरेको प्रतियोगितामा अमरगढी नगरपालिकाभित्रका १० टिमको सहभागिता रहेको थियो।
भलिवल प्रतिया्गिताको समापन कार्यक्रममा बसनतपुर युवा क्लव अमरगढी १ मालमका कार्यबहाक अध्यक्ष सुरत तमोलीले प्रतियोगिता सम्पन्न गर्नका लागि सहयोग गर्ने सबैलाई धन्यवाद दिएका थिए ।
हिजो शनिबारदेखि सुरु भएको प्रतियोगिताका खेलहरू लटेश्वर आधारभूत विद्यालय मालमको प्राङ्गणमा भएका थिए।