बाढिपहिरो ले सुदुरपश्चिमका तिन जिल्लामा सडक अवरुद्ध ।

फाईल तस्विर

४ श्रावण २०७९, डडेल्धुरा
आज विहान देखि सुदुरपश्चिममा परेको अविरल वर्षा पछि आएको बाढीपहिरो ले सुदूरपश्चिम प्रदेशका तीन जिल्लाका चार ठाउँमा मुख्य राजमार्ग अवरुद्ध भएको छ ।

दार्चुला, बैतडी र बझाङमा पहिरोले मुख्य राजमार्ग अवरुद्ध भएपछि यातायात सेवा ठप्प भएको नेपाल प्रहरीले जनाएको छ ।

सुदूरपश्चिम प्रदेश ट्राफिक प्रहरी कार्यालय अत्तरियाका अनुसार दार्चुलाको शैल्यशिखर नगरपालिकाको नङतडी, बैतडीको पाटन नगरपालिकाको थुम, सुर्नया गाउँपालिका–१ को भन्ज्याङ भन्ने ठाउँमा राजमार्गमा माथिबाट पहिरो खसेपछि सडक अवरुद्ध भएको छ ।

बझाङको छविसपाथिभेरा गाउँपालिका–१ को जालेबगरमा सेती नदीले कटान गरेपछि सडक अवरुद्ध भएको प्रहरीले जनाएको छ ।

दार्चुला र बैतडीका तीन ठाउँमा स्थानीय र प्रहरीले संयुक्त रुपमा पहिरो पछ्याएर सडक खुलाउने प्रयास जारी भएपनि बझाङको जालेबगरमा भने सेती नदीको बहाव बढेकाले त्यहाँ जान सकिने अवस्था नरहेको प्रहरीको भनाइ छ ।

You might also like
Leave A Reply

Your email address will not be published.