डोटी- डोटीमा पहिरोमा परेर एक महिलाको मृत्यु भएको छ भने एक बालिका घाइते भएकी छन्।
जिल्लाको आदर्श गाउँपालिका–३ आगरकी ६१ वर्षीया कौमतीदेवी ऐरको मृत्यु भएको छ। सोही ठाउँकी अन्दाजी १२ वर्षीया भुवनेश्वरी ऐर घाइते भएकी छन् ।
मृतक कौमती देवी नातिनीसहित आफ्नो घरबाट आदर्श गाउँपालिका–६ सौकल्लामा माइती घर जाँदै थिइन्। उनीहरु आदर्श गाउँपालिका–३ कै उन्ने ओडार भन्ने ठाउँमा बाटो माथिबाट आएको पहिरोमा परेको प्रहरीले जनाएको छ ।
घाइते बालिकाको स्थानीय स्वास्थ्यचौकीमा उपचार भइरहेको छ ।