अवैध रुपमा विक्रिवितरणका लागी लगिरहेको मदिरा बरामद गरी आलिताल गाउँपालिका वडा नं.१ र २ को जनप्रतिनिधि तथा वडा नं. २ को मदिरा नियन्त्रण समितिले आज नष्ट गरेको छ ।
आलिताल गाउँपालिका वडा नं.१ स्थित चप्परचानी प्रहरी चौकीका प्रहरी हवल्दार खडक बोगडीको नेतृत्वमा बरामद गरिएको अबैध मदिरा आज नष्ट गरिएको हो ।
यहि माघ १६ गते लु१च ४२० नंम्बरको सवारी जिप लाई खान तलासी गर्दा १५ पेटी सुकुटी नामको मदिरा बरामद गरिएको हो ।
आलिताल गाउँपालिका वडा नं.१ का हेम प्रकाश बोगटी ले चलाईरहेको गाडी बाट उक्त मदिरा बरामद गरिएको हो । पछिल्लो समय आलिताल गाउँपालिकाको वडा नं.१ र २ मा मदिरा नियन्त्रणका लागी काम सुरु भएको वडा नं.२ का वडा अध्यक्ष प्रमोद बहादुर मल्लले बताउनु भयो ।
