१२ मंसिर
आज सम्पन्न सुदुरपश्चिमको प्रशिद्ध उग्रतारा मेला अर्थात देहीजातमा सेवादल डडेल्धुराले निशुल्क यातायात सेवा उपलब्ध गराएको छ । सेवा दल डडेल्धुराले विजुली वस सेवा प्रा.ली. र होटल डुब्का एण्ड चार्जिंग सेन्टर बुडर ,डोटी संग समन्वय गरि निशुल्क यातायात सेवा उपलब्ध गराएको हो ।
मेला भर्न आउने अशक्त र जेष्ठ नागरिकहरुको लागी डडेल्धुरा सदरमुकामको बसपार्क बाट उग्रतारा मन्दिर सम्म दुई वटा विजुली माईक्रोवसले दुईतर्फि निशुल्क यातायात सेवा उपलब्ध गराईएको थियो ।
सेवा दल डडेल्धुरा विगत केही समय देखी डडेल्धुराको सामाजिक क्षेत्रमा काम गर्दै आईरहेको छ । पछिल्लो समय कोरोना महामारीको समयमा निशुल्क आवास तथा क्वारेन्टाईन सेवा उपलब्ध गराएको थियो भने विभिन्न अन्य सामाजिक सेवा गर्दै आईरहेको छ ।
