२८ भदौ
भिमदत्त राजमार्गको हगुल्टे क्षेत्रमा अटो दुर्घटनामा परी दुइजनाको मृत्यु भएको छ । जिल्लाको आलिताल गाउँपालिका वडा नम्बरः१ को हगुल्टेमा बुधबार राती अटो दुर्घटनामा परेको हो।
कैलालीको अत्तरियाबाट डोटीको शिखर नगरपालिका बानिडुङ्रीसैन तर्फ जाँदै गरेको अटो दुर्घटनामा परेको डडेल्धुरा प्रहरीले जनाएको छ।
जिल्ला प्रहरी कार्यालय डडेल्धुराका प्रवक्ता, प्रहरी निरीक्षक कुसुम नायकका अनुसार अटोमा तीन जना सवार रहेकोमा दुई जनाको घटनास्थलमै मृत्यु भएको छ।
मृत्यु हुनेमा डोटि जिल्ला शिखर नगरपालिका वडा नम्बर ८ क पदम बहादुर बलायर र केशव महरा रहेका छन भने एकजना घाइते भएका छन। घाइते वीर बहादुर कुँवरलाई डडेल्धुरा अस्पतालमा उपचारका लागि डडेल्धुरा अस्पताल पुर्याइएको छ।