३ श्रावन
मलेसियामा सम्पन्न भएको अन्डर १६ ईस्ट जोन कप क्रिकेट प्रतियोगिताको उपाधि विजेता नेपाली टोलीका सदश्य डडेल्धुराका सचिन मल्ल लाई डडेल्धुरा जिल्ला क्रिकेट संघको तर्फ बाट नगद रु १०,०००। र प्रमाणपत्र सहित आज सम्मान गरिएको छ ।
डडेल्धुराको तर्फ बाट क्रिकेट खेलेर अन्तराष्ट्रिय प्रतियोगितामा नेपालको प्रतिनिधित्व गर्ने सचिन मल्ल डडेल्धुराका दोश्रो क्रिकेट खेलाडी हुन भने अन्डर १६ मा प्रतिनिधित्व गर्ने उनि पहिलो खेलाडी हुन ।
डडेल्धुराको आलिताल गाँउपालिका वडा नं.२ गांखेत स्थायी ठेगाना भएका सचिन मल्ल डडेल्धुरा जिल्ला क्रिकेट संघको तर्फ बाट प्रतिनिधित्व गर्दै विभिन्न प्रतियोगितामा उत्कृष्ठ खेलाडीको रुपमा सहभागीता जनाई सकेका छन् ।
नेपाल लगायत ७ वटा देशको सहभागीता रहेको उक्त खेलमा नेपालले ४ वटा खेल खेल्दै फाईनलमा मलेसिया लाई पराजित गर्दै उपाधि आफनो हात पारेको थियो ।
विगत ५ वर्ष देखी क्रिकेट खेलिरहेका सचिन डडेल्धुरा क्रिकेट संघका लागी अलराउन्डर खेलाडी को रुपमा चिनिन्छन । सचिन मल्ल मलेसिया सम्पन्न अन्डर १६ ईस्ट जोन कप क्रिकेट प्रतियोगिता मा नेपाल लाई उपाधि दिलाउनका लागी नेपाली टिममा वलरको भुमिकामा रहेका थिए ।
नेपालको राष्ट्रिय टिम लाई प्रतिनिधित्व गर्दै अन्तराष्ट्रिय क्रिकेट खेल्न पाउनु नै निकै खुसीको कुरो भएको र आफु सहभागी पहिलो खेलमा नै उपाधि जित्नु झनै खुसी भएको क्रिकेटर सचिन मल्लले बताए ।