२१ जेठ
नेपाली कांग्रेस डडेल्धुराले आफ्नो वडा सम्मेलन सम्पन्न गरेको छ । डडेल्धुराका अधिकांश वडामा सम्मेलन सम्पन्न भएको हो । नेपाली कांग्रेस डडेल्धुराका सभापति भीमबहादुर साउदका अनुसार पार्टीले विधानतह सबै तहका सम्मेलन गर्ने व्यवस्था अनुसार शनिबार डडेल्धुराका अधिकांश वडाका वडा सम्मेलन सम्पन्न भएका हुन् ।
जिल्ला कार्यसमितिबाट पठाइएका प्रतिनिधिको उपस्थितमा सम्मेलन सम्पन्न गरिएको सभापति साउदले बताए । वडा सम्मेलनपछि २७ गते पालिका सम्मेलन, असार २ गते प्रदेशसभा क्षेत्र सम्मेलन र असार १६ गते जिल्ला सम्मेलन हुने जिल्ला सभापति साउदले बताए । नेपाली कांग्रेसको विधानअनुसार प्रत्येक ६ महिनामा वडा सम्मेलन, एक वर्षमा पालिका, प्रदेशसभा क्षेत्र र जिल्ला सम्मेलन गर्नुपर्ने व्यवस्था छ ।