२५ मंसिर
डडेल्धुरा बाट हिजो एक जना लागु औषध चरस जस्तो देखिने कालो पदार्थ सहित पक्राउ परेका छन् । जिल्लाको अमरगढी नगरपालिका वडा नं.१ ढुन्ढुने स्थित कैलपाल किराना तथा चिया पसलमा लागु औषध (चरेश) रहेको भन्ने गोप्य सुचनाको आधारमा जिल्ला प्रहरी कार्यालय बाट खटिएको प्रहरी टोलीले उक्त स्थानमा पुगी शंकास्पद पसल तथा घर खानतलासी गर्दा ६ किलो ५४० ग्राम चरेश जस्तो देखिने कालो पदार्थ वरामद गरेको हो ।
उक्त घटनामा डडेल्धुरा जिल्ला अमरगढी न.पा. वडा नं. १ ढुन्ढुने का बर्ष ५८ को बिर बहादुर ऐर लाई पक्राउ गरिएको छ । निज लाई आज मंसिर २५ गते सम्मानित जिल्ला अदालत पेश गरिने जिल्ला प्रहरी कार्यालय ले जनाएको छ । कानुनी ब्यवस्था अनुसार निज लाई लागु औषध (नियन्त्रण) ऐन २०३३ बमोजिम १ बर्ष देखि ३ बर्षसम्म कैद सजाय र ५ हजार देखि २५ हजार सम्म जरीवाना हुन सक्ने जिल्ला प्रहरी कार्यालय डडेल्धुरा ले जनाएको छ ।