१० मंसिर
मोरङ क्षेत्र नम्बर २ बाट प्रतिनिधिसभा सदस्यमा नेपाली कांग्रेस नेतृ सुजाता कोइराला पराजित बनेकी छिन् । नेकपा (एमाले) का ऋषिकेश पोखरेल ले सत्ता गठबन्धनकी साझा उम्मेदवार नेपाली कांग्रेसकी सुजाता कोइरालालाई एक हजार दुई सय ८ मतले पराजित गरे ।
पोखरेलले ३३ हजार एक सय ४८ मत ल्याउँदा उनकी निकटतम प्रतिद्वन्धी कांग्रेसकी कोइरालाले ३१ हजार नौ सय ४० मत प्राप्त गरिन् । सो क्षेत्रमा एक लाख २४ हजार सात सय २९ मतदाता रहेकोमा ८० हजार चार सय ३० मत खसेको थियो ।
२०७० भएको दोस्रो संविधानसभा निर्वाचनमा निर्वाचित भएका पोखरेल २०७४ को निर्वाचनमा वाम गठबन्धन हुँदा पोखरेल नेपाली कांग्रेसका मिनेन्द्र रिजालसँग पराजित भएका थिए ।
