७ मंसिर
प्रतिनिधि सभा निर्वाचनको जारी मतगणनामा समानुपातिकतर्फ झन्डै ८ लाख मतको गणना सकिँदा नेकपा एमालेले अग्रता कायम राखेको छ।
७ लाख ८१ हजार ३ सय १९ सदर मतमध्ये एमालेले २२१६५३(२८.३६ प्रतिशत) मत प्राप्त गरेकोछ। दोस्रोमा नेपाली कांग्रेस छ, कांग्रेसले १९८७६९ (२५.४४ प्रतिशत) मत प्राप्त गरेको छ ।
तेस्रोमा रहेको राष्ट्रिय स्वतन्त्र पार्टीले १ लाख मत कटाएको छ। घन्टी चिन्ह भएको उक्त पार्टीले १०१७०३ मत अर्थात् (१३.०३ प्रतिशत) मत प्राप्त गरेको छ ।
९२१८४ मत (११.०१ प्रतिशत) सहित माओवादी चौथो स्थानमा रहेको छ । राष्ट्रिय प्रजातन्त्र पार्टीले ५१९०१ मत (६.६४ प्रतिशत) मत प्राप्त गरेको।
जनता समाजवादी पार्टीले १६८५६ (२.१ प्रतिशत) मत पाएको छ।
सिके राउत नेतृत्वको जनमत पार्टीले १६१७६, नेपाल मजदुर किसान पार्टी १३६१७, नेकपा (एकीकृत समाजवादी) ११९५६, नागरिक उन्मुक्ति पार्टी १०४६८ मत पाएको छ। अन्य दलहरूले ४६०३६ मत पाएका छन्।