समानुपातिकको बन्द सुचि बुझाउने आज अन्तिम मिति

३, असोज

आसन्न मंसिर ४ गते हुने प्रतिनिधि सभा र प्रदेश सभा निर्वाचनका लागि दलहरुले आज समानुपातिक उम्मेदवारहरुको बन्दसूची बुझाउने तयारी गरेका छन्।

निर्वाचन आयोगका अनुसार समानुपातिक तर्फको बन्दसूची बुझाउने आज अन्तिम दिन हो। आयोगले हिजो र आज गरी बन्दसूची बुझाउन दुई दिनको अवधि तोकेको थियो।

आज अन्तिम दिन ठूला दलहरु नेकपा एमाले, नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादीलगायतका दलले बन्दसूची बुझाउने तयारी गरेका छन्। आइतबार केही साना दलहरुले बन्दसूची बुझाएका छन्। अन्य बाँकी दलले पनि आज बन्दसूची बुझाउने तयारी गरेको निर्वाचन आयोगले जनाएको छ।