२ असोज, डडेल्धुरा
संविधान दिवस अवसर पारेर संविधान दिवसको पूर्वसन्ध्यामा आज ह्वाईटपार्क कलेज डडेल्धुराले एतिहासिक अमरगढी किल्लाको सरसफाई गरेकोछ । श्री अमरगढी किल्ला पर्यटन पूर्वाधार क्षेत्र विकास समिति , डडेल्धुरा संगको समन्यमा उक्त सरसफाई कार्यक्रम आयोजना गरिएको हो ।
सामाजिक उत्तरदायी भुमिका निर्वाह गर्ने उद्देश्यले ह्वाईटपार्क कलेजका अमिन र भेटेनरी संकायका ४५ जना विद्यार्थिहरुको उपस्थितीमा सरसफाई कार्यक्रमको आयोजना गरिएको कलेजका प्रशासन प्रमुख चित्र पाण्डेयले बताउनु भयो । कलेजको तर्फ बाट बेला बेलामा यस्ता सामाजिक कामहरु गर्दै आईरहेकोमा भोलि मनाईने संविधान दिवसको अवसर पारेर सरसफाई कार्यक्रम आयोजना गरेको र आगामी दिनमा पनि यस्ता कार्यक्रमहरु निरन्तर रहने प्रशासन प्रमुख पाण्डेय ले बताउनु भयो ।
सरसफाई कार्यक्रमको आयोजना गरिदिनुभएकोमा ह्वाईटपार्क कलेज लाई धन्यवाद दिदै श्री अमरगढी किल्ला पर्यटन पूर्वाधार क्षेत्र विकास समिति , डडेल्धुराका अध्यक्ष प्रविण जैरुले आगामी दिनमा पनि यसरी सामाजिक उत्तरदायि भुमिका निर्वाह गर्न सम्पूर्ण कलेज, विद्यालय, क्लव, नागरिक समाज लाई अनुरोध गर्नुभयो ।
उक्त सरसफाई कार्यक्रममा ह्वाईटपार्क कलेजका विद्यार्थि , शिक्षक र श्री अमरगढी किल्ला पर्यटन पूर्वाधार क्षेत्र विकास समिति , डडेल्धुराका पदाधिकारीहरुको उपस्थितीरहेको थियो ।