२९,भदौ डडेल्धुरा
५८औँ राष्ट्रिय वाल दिवसको अवसर पारेर डडेल्धुरा को अमरगढी नगरपालिका वडा नं.३ स्थित श्री घटाल मा.वी. नुवाकोटका आर्थिक अवस्थाले विपन्न तथा टुहुरा विद्यार्थिहरु लाई घटाल वश्त्रालय, बागवजार डडेल्धुराको तर्फ बाट विद्यालय पोषाक सहयोग गरिएको छ ।
डडेल्धुरा सदरमुकाम बागवजारमा विगत लामो समयदेखी व्यापार गर्दै आउनुभएका घटाल वश्त्रालयका संञ्चालक श्री दिपकराज जोशीले सामाजिक उत्तरदायी भुमिका निर्वाह गर्नको लागी यो सहयोग गरिएको बताउनु भयो ।
श्री घटाल मा.बी.अमरगढी ३ नुवाकोट लाई यस अघी भर्खर मात्र समाजसेवी विनय मल्लले स्काउट पोषाक र टुहुरा वालवालीकाको लागी विद्यालय पोषाक खरिद गर्नका लागी विद्यालय लाई नगद रु ६९,४७५। रुपैया सहयोग गर्नु भएको विद्यालयका शिक्षक मोहन भण्डारी ले बताउनु भयो ।
सवै सहयोग गर्ने व्यक्तिहरु लाई धन्यवाद व्यक्त गर्दै विद्यालयमा रहेका गरिव, तथा विपन्न विद्यार्थिहरु लाई सहयोग गर्ने परिपाटीले सामाजिक उत्तरदायी सिकाईरहेको र यस्तो सहयोगको भावना सबैमा जागृत हुनुपर्ने घटाल मा.बी. नुवाकोटका प्रधानाध्यापक गणेश साउदले बताउनु भयो ।