१ भदौ, डडेल्धुरा
डडेल्धुरा अमरगढी नगरपालिकाको वडा नं.४ मा आज सम्पन्न खुला भलिवल प्रतियोगिताको फाईनल खेलमा समाजसेवी विनय प्रकाश मल्लको टिम प्रथम भएको छ ।
“युवा सहभागिता समतामूलक समाज” भन्ने मूल नाराका साथ श्री सिर्जनशील समैजी युवा क्लब अमरगढी नगरपालिका वडा नम्बर. ४, सुनेडा द्वारा आयोजना गरिएको खुला भलिबल प्रतियोगिताकम समाजसेवी बिनय प्रकाश मल्लको टिमले प्रथम स्थान हासिल गरि नगद रु ४५०००का साथै मेडल र प्रमाणपत्र सहित ट्रफी हात पारेको छ। यसैगरी द्वितीय स्थान आयोजक श्री सिर्जनशिल समैजी युवा क्लवले हात पारेको छ द्वितीय हुने सिर्जनशिलले नगद रु३०००० का साथै मेडल र प्रमाणपत्र सहित ट्रफी प्राप्त गरेको छ। प्रतियोगितामा तृतीय स्थान रणबम गणले ओगट्दै रु१५००० का साथै मेडल र प्रमाणपत्र सहित ट्रफी हात पारेको छ।