डडेल्धुरा -डडेल्धुराको सदरमुकाम अमरगढीमा ‘अमरगढी टि–२० क्रिकेट प्रतियोगिता’ आयोजना हुने भएको छ ।
सम्मान–समानता आर्थिक समृद्वि दिप डडेल्धुरा को आयोजनामा अमरगढी नगरपालिका–४ स्थित टुँडिखेलमा यहि असोज १८ गतेदेखि उक्त प्रतियोगिता हुन लागेको बिहीबार पत्रकार सम्मेलन मार्फत जानकारी गराइएको छ । जिल्लाको कला संस्कृति र खेलकुद विकास प्रतिष्ठा वृद्विमा खेलकुदको माध्यमले सहयोग पुर्याउनका लागि प्रतियोगिता आयोजना गर्न लागेको बताइएको छ।
प्रतियोगिताका विजेतालाई १ लाख नगद र उपविजेतालाई ५० हजार रुपैयाँका साथै ट्रफी, मेडल र प्रमाणपत्र प्रदान गरिने आयोजकले जनाएको छ । सम्मान–समानता आर्थिक समृद्वि दिप डडेल्धुरा का निर्देशक विक्रम जैरुका अनुसार सर्वात्कृष्ट खेलाडी लाई नगद रु ८ हजार , सर्वोष्कृट ब्याट्सम्यानलाई नगद ५ हजार, सर्वोष्कृट बलरलाई ५ हजार र प्रत्येक खेलका उत्कृष्ट खेलाडीलाई एक हजार प्रदान गरिने छ । उनीहरुलाई पनि ट्रफि र मेडल दिइने जैरुले बताए ।
प्रत्येक टिममा अन्डर १९ का दुई जना खेलाडी लाई अनिवार्य रुपमा समावेश गर्नुपर्ने आयोजकले जनाएको छ ।
टिम दर्ता असोज १६ गतेसम्म हुने र दर्ता शुल्क १२ हजार लाग्ने आयोजक दिप डडेल्धुराका संयोजक राजन जैरुले बताए ।।