डडेल्धुरा-जिल्लाको आलिताल गाउपालिका वार्ड न २ का लेकाली बस्तिमा विद्युत सेवा विस्तार गरिएको छ । वडाको तल्लो बस्तिहरुमा स्थानिय लघु जलविद्युत आयोजना बाट विद्युत सेवा उपलब्ध भइरहेको भए पनि लेकाली वस्तिहरुमा पहिलो पटक विजुली सेवा विस्तार गरिएको हो ।
आलिताल गाँउपालिका वडा नं.२ मा लेकाली बस्तिको रुपमा चिनिने मल्लो काफली, तल्लो काफली , कमलपुर, बाङाटुडा, लामिटुडा, चौकिपातल, भुतटुडामा विद्युत प्राधिकरणको केन्द्रिय प्रशारणको लाईन जडान गरिएको हो ।
विकासको अनुभुती प्रत्यक्ष भोग्न नपाएको दुर्गम बस्तिमा विद्युत लाईन विस्तार भए संगै स्थानिय विकासको अनुभुती गर्दैै खुसी भएका छन् । आज एक कार्यक्रमका विच विधिवत रुपमा विद्युत प्रशारण लाईनको उद्घाटन वडा अध्यक्ष प्रमोद बहादुर मल्लले गर्नु भएकोहो ।
उद्घाटन पश्चान वडा अध्यक्ष मल्लले निर्वाचन ताका बोलिएको बाचा पुरा गर्न अनवरत रुपमा लागीरहेको र आफुले सक्दो सम्म विकासका कामलाई अगाडी जोड दिने बताए । उद्घाटन पश्चात वडा अध्यक्ष मल्लले नेपाल बिधुत प्राबिधिकरण को केन्द्रिय प्रसारण लाइन जडान गर्नका लागी सहयोग गर्ने सबैलाई हार्दिक धन्यवाद व्यक्त गदै बिकास निरन्तर रुपमा चलिरहने प्रक्रिया भएकोले जनताले दिएको अमुल्य मतको कदर गर्दै जनताका सपना सकार गर्ने प्रतिबद्धता व्यक्त गरे ।
