पदम जोरा
जोगबुडा-डडेल्धुराको भागेश्वर गाउँपालिका वडा नं. ५ रुपालीगाडमा रहेको शिवशंकर माद्यमिक विद्यालयले आफ्नो ४७ औं वार्षिकोत्सव तथा अभिवाबक दिवस भव्यताका साथ मनाएको छ ।
शनिवार अर्थात जेठ ५ गते विद्यालय व्यवस्थापन समिति अध्यक्ष राजेन्द्र प्रशाद पन्तको अध्यक्षता तथा गाउँपालिका अध्यक्ष हेमराज चटौतको प्रमुख आतिथ्यतामा समारोह मनाइएको विद्यालयका प्रधानाध्यापक मोती नाथले जानकारी दिनु भएको छ ।
समारोहमा अतिथिको रुपमा भागेश्वर गाउँपालिका उपाध्यक्ष पुष्पा ठकुराठी,वडा नं. २ का अध्यक्ष उपेन्द्र वहादुर जोरा, तिन वटै राजनैतिक दल, समाजसेबी बुद्विजिवी,चन्दादाता, विद्यालयलाई बिभिन्न क्षेत्रवाट सहयोग गर्ने सहयोगीहरु रहनु भएको थियो ।
कार्यक्रममा विद्यालयको आर्थिक तथा प्रगति प्रतिवेदन प्रस्तुत गरिएको थियो भने विद्यालयको अन्तर सदनात्मक खेलकुद प्रतियोगिता, सास्कृतिक कार्यक्रम, सुभकामना मन्तव्य संगै बिभिन्न व्यक्तिहरुलाई सम्मान सहित ४७ औं वर्षिकोत्सव समारोह सम्पन्न भएको हो ।
समारोहलाई सम्वोधन गर्दै कार्यक्रमका प्रमुख अतिथि गाउँपालिका अध्यक्ष हेमराज चटौतले सबै प्राबि, आबि र माबिहरुमा भौतिक सहित समपूर्ण संरचनाको बिकासका लागि गाउँपालिका प्रतिवद्व रहेको बताउनुभयो ।
