दार्चुला, दार्चुलाको महाकाली नगरपालिका १ श्रीबगर स्थित दार्चुला तिंकर सडक खण्डबाट २ किलो ७०० ग्राम लागू औषध चरेश जस्तो देखिने कालो पदार्थ सहित जिल्ला कञ्चनपुर कृष्णपुर नगरपालिका ३ बस्ने बर्ष २७ को हर्कलाल रानालाई सोमबार साँझतिर प्रहरीले पक्राउ गरेको हो ।
जिल्ला प्रहरी कार्यालय दार्चुलाबाट खटिएको प्रहरी टोलीले शंका चेकजाँच गर्दा सु.प.प्र.०२ ००१ त १३१० नम्बरको ट्याक्टको ट्रालीमा कोदोको बोराभित्र लुकाई छिपाई राखेको अवस्थामा फेला परेको हो ।
ट्रयाक्टर चालक लाई सोधपुछ गर्दा उक्त सामान पठाउने ब्यक्ति ब्याँस गाउँपालिका ४ सुनसेरा का जयलाल कुँवर बताएका छन् ।
यस सम्बन्धमा थप अनुसन्धान भईरहेको प्रहरीले जनाएको छ ।
