२८ कार्तिक
कैलालीको कैलारी गाउँपालिका-७ सरदघाटबाट अवैध लागूऔषध खैरो हेरोईन १ ग्राम सहित २ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरूमा कैलारी गाउँपालिका-३ बस्ने २३ वर्षीय सरोज चौधरी र सोही ठाउँ बस्ने १८ वर्षीय किशोर रहेका छन् । जिल्ला प्रहरी कार्यालय कैलाली र सशस्त्र प्रहरी बल वेश क्याम्प बिपदपुरबाट खटिएको संयुक्त टोलीले उनीहरूलाई उक्त लागूऔषध सहित फेला पारी पक्राउ गरेको हो । साथै उनीहरूले प्रयोग गरेको से.४ प. ४२०२ नम्बरको मोटरसाईकल समेत प्रहरीले बरामद गरेको छ ।
यस सम्बन्धमा प्रहरीले थप अनुसन्धान गरिरहेको छ ।
