काठमाडौं– भारतीय कम्युनिस्ट पार्टी (माओवादी) का महासचिव केशव राव ‘वसवराज’को हत्याको विरोधमा बुधबार काठमाडौंमा प्रदर्शन भएको छ।
नेशनल रिभोलुसनरी फ्रन्टको ब्यानरमा माइतीघरमा प्रदर्शन भएको हो। भारतको छत्तिसगढ राज्यमा छत्तिसगढ र तेलङ्गाना राज्यको सिमाना नारायणपुरमा २१ मे २०२५ मा भएको कारबाहीमा ‘वसवराज’ सहित २७ जना माओवादी नेता कार्यकर्ता मारिएका थिए। भारत सरकारले उक्त कारबाहीलाई अपरेशन कगार नाम दिएको थियो।